“Regionalna drasta jako imaterielne zdźědźinstwo”
Serbske drasty charakterizuja Łužicu a su do dźensnišeho kruty wobstatk kultury, wosebje při hajenju nałožkow, ale tež z wulkim woznamom za turizm.
Prawidłownje prócuja so zamołwići z pěstowarnjow a šulow, z drastowych a domizniskich towarstwow, z rejowanskich skupin a z chórow, sobudźěłaćerjo muzejow a drastowych skupin kaž tež druzy na serbskej drasće zajimowani wo to, zo so serbska drasta dale zdźerži a nosy. Spěchowanske programy zmóžnja podpěry. Tak maja tež sobudźěłaćerjo tajkich srědki přizwolacych zarjadow a załožbow wliw na dalewobstaće serbskeje drasty jako regionalny charakteristikum.
Spěšne hospodarske wuwiće a z tym zwisowace změny wuskutkuja so tež na hladanje drasty. Wažna wěda wo wšelakorosći, wo woznamje, wo nošenju a wo zhotowjenju je so nažel hižo jara zhubiła.
Zo by so tomu zadźěwało, wěnuje so Forum serbskich narodnych drastow tutej tematice. Chce z tym serbsku drastu a wědu wo njej jako materielne a imaterielne zdźědźinstwo wobchować a zaručić, zo so drasta dale nosy a z tym zdźerži. Z tym so jenož serbska identita njezesylni, ale spožći so cyłemu regionej tež hospodarska lěpšina přez jónkrótnu mnohotnosć.